Op-die-plaas Kamp is geleë 7km vanaf Seweweekspoort en is op die plaas Sandrivier. Daar is 'n area met gras naby die dam en daar is heelwat plek onder die bloekombome, maar daar groei geen gras nie. Ons kan tot so +/- 25 tentjies akkommodeer, bietjie skuins en rof, maar dis mos wat julle kampeerders soek of hoe? GEEN ELEKTRISITEIT NIE - moenie worry nie ek het 'n vrieskas waar jy iets kan insit of koop sommer ys by my... Die ablusiegeriewe is voldoende met warmwater deur 'n donkie. Onthou ons sit hoog teen die Klein Swartberge so bring maar daai dik baadjie saam! Koste is R50pp R25 vir kids o/12 en kids o/6 gratis! Om te bespreek kontak my by info@seweweekspoort.co.za.